Það er stórleikur í ensku úrvalsdeildinni á morgun þegar Manchester United heimsækir granna sína í Manchester City.
Hvorugt liðið má í raun við því að missa stig þessa dagana, United reynir að gefa sér veika von á Meistaradeildarsæti á meðan City má ekki tapa fleiri stigum, ætli liðið að eiga veika von á því að ná toppliði Liverpool.
Talsvert er um meiðsli herbúðum beggja liða en Kun Aguero er frá hjá City og Paul Pogba hjá Manchester United.
,,Ég vonast til að hafa Pogba sem fyrst með, hann er byrjaður að æfa á grasi. Ég sagði á þessu ári, vonandi spilar hann fyrir nýtt ár;“ sagði Solskjær.
Anthony Martial hefur jafnað sig af smávægilegum meiðslum og er búist við að hann verði á bekknum á morgun.
