Sky Sports segir frá því að Marco Silva, stjóri Everton verði í starfi gegn Liverpool á miðvikudag í grannaslag í Bítlaborginni.
Liðið tapaði á dramatískan hátt gegn Leicester í gær og er starf Silva í hættu.
Silva er á sínu öðru tímabili með Everton en hann hefur ekki náð að finna taktinn, þrátt fyrir mikið fjármagn í leikmannakaup.
Everton mætir Liverpool á miðvikudag í grannaslag, það er því lítill tími til stefnu fyrir Everton að finna arftaka.
Silva var áður stjóri Watford og Hull en Everton lagði mikið á sig til að krækja í Silva.