Það varð allt vitlaust eftir leik Lyon og RB Leipzig í Meistaradeildinni í gær en honum lauk með 2-2 jafntefli.
Eftir leik þá mætti stuðningsmaður Lyon með borða sem var tileinkaður varnarmanni Lyon, Marcelo.
Á borðanum mátti sjá asna og sögðu þeir varnarmanninum að hundskast burt frá félaginu.
Memphis Depay, leikmaður Lyon, reif þennan borða niður og tjáði sig svo um atvikið eftir leik.
,,Ég er í uppnámi og er reiður. Við spiluðum ekki okkar besta leik en erum komnir áfram. Við gáfum allt í þetta,“ sagði Memphis.
,,Þegar einhver í liðinu fær ekki stuðning frá aðdáendum þá við hverju býstu? Hver er með tímann til að búa til svona borða?“
,,Fólk á börn, fólk fer í vinnuna. Hver hefur tíma til að mála asna? Ef þú hefur tíma til þess þá þarftu að finna þér eitthvað að gera í lífinu.“
,,Þeir hræktu á okkur. Ég hef aldrei séð annað eins.“
Mdr il a des couilles le Depay #OLRBL #badgones #marcelo #depay pic.twitter.com/eK85QQoAjR
— Niklas (@NiklasZe) 10 December 2019