Ef Jadon Sancho er til sölu í janúar, hjá Borussia Dortmund segja ensk blöð að Ed Woodward, stjórnarformaður Manchester United sé klár í slaginn.
Sancho er eitt mesta efni fótboltans en hann hefur verið ósáttur með framkomu Dortmund síðustu vikur. Sancho hefur sem dæmi tvisvar mætt of seint á síðustu vikum, og verið refsað. Fyrst með því að vera settur upp í stúku og síðan á bekkinn.
Sancho er 19 ára gamall enskur landsliðsmaður en ensk blöð segja í dag að Woodward sé klár í að greiða 119 milljónir punda.
Dortmund veit að Sancho vill fara en það er talið líklegra að félagaskipti Sancho gangi í gegn næsta sumar.
Liverpool hefur einnig gríðarlegan áhuga og sömu sögu má segja um Real Madrid og PSG en Sancho var áður hjá Manchester City.