Alisson Becker var í kvöld valinn besti markvörður ársins á verðlaunahátíðinni Ballon d’Or.
Alisson er markvörður Liverpool en hann átti stórkostlegt ár og vann til að mynda Meistaradeildina í sumar.
Hann var áður valinn besti markvörður heims í vali FIFA og eru þetta ekki hans fyrstu verðlaun á árinu.
Alisson er því sá fyrsti sem fær ‘Yashin bikarinn’ en þau eru nefnd eftir goðsögninni Lev Yashin.
Yashin er eini markvörðurinn sem hefur unnið Ballon d’Or en það gerðist árið 1963.