Það er óhætt að segja að Chris Smalling hafi slegið í gegn á Ítalíu, Manchester United hafði ekki not fyrir hann og Smalling ákvað að skella sér á láni til Roma.
Smalling hefur spilað vel, fær mikið lof fyrir frammistöðu sína og honum líkar lífið vel í borginni.
,,Ég bjó á hóteli í mánuð, ég flutti svo á nýtt heimili í síðustu viku. Þetta er 700 ára gamalt hús, rétt fyrir borgini. Það er mikil nátúra, sem er mikilvægt fyrir hundana okkar,“ sagði Smalling um dvölina.
Í gær sögðu ítalskir miðlar að Roma vildi kaupa Smalling og að félagið hefði lagt fram tilboð, sagt var að United hefði hafnað 13 milljóna punda tilboði.
Sky Sports segir það vera falsfrétt, United hafi ekki fengið neitt tilboð í Smalling. Inter og AC Milan eru sögð hfa áhuga á Smalling eftir góðar frammistöður með Roma.