Arnar Sveinn Geirsson er líklega á förum frá Breiðabliki, hann staðfestir þetta við Fótbolta.net. Félagið vill losna við hann eftir stutta dvöl.
Arnar gekk í raðir Breiðabliks í maí frá Val en Ágúst Gylfason, fékk hann til félagsins.
„Staðan er sú að ég fékk þau skilaboð að ég hefði ekki hlutverk í liðinu þar sem að leikkerfið hentar mér illa. Í framhaldinu óskaði ég eftir leyfi til þess að kíkja í kringum mig og fékk það leyfi frá félaginu. Nú er það bara í ferli að skoða hvort eitthvað sé í boði og þá hvað. Mig langar að koma þessum málum á hreint sem allra fyrst þannig ég geti farið að einbeita mér að framhaldinu,“ sagði Arnar Sveinn við Fótbolta.net.
Arnar er öflugur hægri bakvörður sem spilaði stórt hlutverk hjá Val áður en Birkir Már Sævarsson kom til félagsins.
Óskar Hrafn Þorvaldsson er að taka til hendinni en Þórir Guðjónsson fór til Fram í morgun, hann og Arnar komu báðir til félagsins í fyrri þegar Ágúst Gylfason var þjálfari liðsins.