Mauricio Pochettino var í gær rekinn frá Tottenham eftir fimm ár í starfi hjá félaginu.

Ákvörðunin kom mörgum á óvart en Pochettino hafði náð mjög góðum árangri með enska liðið.

Slæmt gengi á þessu tímabili varð þó til þess að Daniel Levy, eigandi liðsins, ákvað að segja Pochettino upp störfum.

Hann er orðaður við nágranna Tottenham í Arsenal en Unai Emery er undir pressu.

Miðað við ummæli Pochettino fyrir tveimur árum þá mun hann hins vegar ekki taka við liðinu.

,,Ef Levy rekur mig einn daginn eftir nokkur ár þá yrði ómögulegt fyrir mig að taka við Arsenal,“ sagði Pochettino.

,,Það er erfitt að sýna traust sem knattspyrnustjóri en ég var leikmaður áður og það skiptir mjög miklu máli. Ég elska Espanyol eins og Tottenham, það yrði ómögulegt að semja við Arsenal.“