Það eru nokkrir nýir menn sem munu hefja störf hjá Tottenham ásamt Jose Mourinho.
Mourinho var ráðinn stjóri Tottenham í morgun og tekur við af Mauricio Pochettino.
Pochettino var vinsæll í Norður-London en hann starfaði þar í fimm ár og náði fínasta árangri.
Allt starfslið Poch mun þó kveðja með honum en þeir Jesus Perez, Miguel D’Agostino og Antoni Jimenez sögðu bless.
Mourinho tók með sér þá Joao Sacramento, Carlos Lalin, Nuno Santos, Ricardo Formosinho og Giovanni Cerra.
Sacramento verður aðstoðarmaður Mourinho og kemur Santos til félagsins eftir að hafa verið markmannsþjálfari Lille.
