Mauricio Pochettino, stjóri Tottenham, og Daniel Levy, eigandi liðsins, funduðu um framtíð þess fyrrnefnda í vikunni.
The Telegraph fullyrðir þessar fregnir en gengi Tottenham hefur verið hræðilegt á tímabilinu.
Liðið komst í úrslit Meistaradeildarinnar á þessu ári en situr nú í 14. sæti ensku úrvalsdeildarinnar.
Samkvæmt Telegraph var rætt um framtíð félagsins og er spurningin aðallega hvenær Pochettino fer frekar en hvort hann fari.
Margir leikmenn eru sagðir vera að missa trúna á Argentínumanninum en það myndi kosta liðið 12,5 milljónir punda að reka hann.