Alberto Botines, umboðsmaður Hector Bellerin, hefur staðfest það að lið á Ítalíu vilji fá bakvörðinn.
Bellerin hefur spilað með Arsenal allan sinn atvinnumannaferil en er þó hrifinn af hugmyndinni að spila á Ítalíu.
,,Eins og er þá er hann að einbeita sér að verkefnum félagsins,“ sagði Botines við Sky Sports.
,,Hann er að jafna sig af erfiðum meiðslum og komast í sitt gamla form. Honum líkar við Ítalíu, það er áhugi þaðan en ég get ekki nefnt liðið.“
,,Hann er með langan samning og það verður ekki auðvelt að taka hann frá Arsenal. Við sjáum hvernig það gengur.“