Viðar Örn Kjartansson, framherji íslenska landsliðsins hefur jafnað sig af veikindum sem hafa hrjáð hann. Sökum þess var Viðar ekki leikfær gegn Tyrklandi í undankeppni EM, í gær.
Viðar var veikur og ferðaðist ekki beint með liðinu til Istanbúl, hann fer með liðinu til Moldóvu. Þar leikur liðið á sunnudag. Liðið er á leið í flug.
Leikurinn gæti verið tækifæri fyrir Viðar og fleiri varamenn til að sanna sig, leikurinn skiptir litlu máli enda ljóst að Ísland fer í umspil.
Alfreð Finnbogason meiddist alvarlega í gær, hann fór úr axlarlið og heldur beint til Þýskalands í dag. Þetta fékk 433.is staðfest frá KSÍ. Hjá Augsburg munu læknar félagsins skoða stöðuna á framherjanum.
Alfreð fór úr axlarlið snemma í leiknum í gær, þetta er í annað sinn á ferlinum sem framherjinn fer úr axlarlið. Möguleiki er á að Alfreð þurfi að fara í aðgerð en það kemur í ljós á næstu dögum.