fbpx
Þriðjudagur 27.október 2020
433Sport

Svona vilja Tyrkir svara fyrir uppþvottaburstann

Einar Þór Sigurðsson
Miðvikudaginn 13. nóvember 2019 11:20

Mynd: Fanatik.com.tr

Ekki missa af Helstu tíðindum dagsins í pósthólfið þitt

Lesa nánar

Einar Þór Sigurðsson skrifar frá Istanbúl:

Tyrkir eru ekki búnir að gleyma uppþvottaburstamálinu sem kom upp í Leifsstöð í sumar. Íslendingar komu reyndar hvergi þar nærri því um var að ræða belgískan ferðamann sem ætlaði að slá á létta strengi með með gríni sem reyndist misheppnað.

Sérfræðingar tyrkneska íþróttafréttamiðilsins Fanatik settust niður í gær og ræddu leikinn sem er fram undan gegn Íslandi á morgun. Þar spjölluðu þeir meðal annars um íslenska liðið, styrkleika liðsins og veikleika þess. Þá kom uppþvottaburstamálið aðeins við sögu í spjallinu.

Blaðamaðurinn Deniz Çoban hafði meðal annars þetta að segja:

„Á undanförnum árum hefur maður ekki beint verið spenntur fyrir landsleiki því árangurinn hefur látið á sér standa. En núna er staðan önnur, landsliðið er farið að færa okkur skemmtun og spennu. Sú staðreynd að leikurinn er við Ísland er svo önnur saga,“ sagði Çoban sem rifjaði upp móttökurnar þegar Tyrkir komu til Íslands í júnímánuði og uppþvottabursta var veifað framan í fyrirliðann Emre Belozoglu. Hann sagði að ekki ætti að svara slíkum dónaskap með því að fara niður á sama plan.

„Það er best að svara þessum dónaskap á vellinum og spila fallegan fótbolta,“ sagði Çoban. „Við eigum ekki að vera tilfinningasamir og harðskeyttir því þá missum við einbeitinguna,“ bætti hann við.

Eins og að framan greinir var um að ræða belgískan ferðamann sem síðar baðst afsökunar á framferði sínu. Áhorfendum á Laugardalsvelli var þó bannað að koma með uppþvottabursta á völlinn og olli málið talsverðu fjaðrafoki í tyrkneskum fjölmiðlum.

Tyrkjum dugar jafntefli til að tryggja sér sæti á EM næsta sumar en sigur gegn Íslandi og Andorra tryggir Tyrkjum efsta sætið í riðlinum. Það er eitthvað sem þeir ætla sér að ná.

Çoban bendir á að Íslandi hafi ekki gengið neitt sérstaklega á útivöllum í keppninni til þessa. Þannig hafi íslenska liðið fengi á sig fjögur mörk gegn Frökkum og Albaníu og það þurfi Tyrkir að nýta sér. „Við þurfum að vera þolinmóðir og halda okkur við okkar kerfi.“

Cem Dizdar segir að íslenska liðið hafi ekki margt fram yfir það tyrkneska. Hann nefnir þó eitt og það er leikgleðin. „Þeir spila af gleði og spila með hjartanu. Við þurfum að geta gert það sama,“ sagði hann og bætti við að íslenska liðið væri mjög vel skipulagt.

Ali Ece segir að það sé kostur að íslenska liðinu dugi ekkert annað en sigur í leiknum. Það geti Tyrkir nýtt sér. „Eftir því sem líður á leikinn þurfa þeir að taka meiri áhættur og skilja eftir meira pláss. Það er ekki ákjósanleg staða fyrir Ísland að vera í,“ sagði hann.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 9 klukkutímum

Íslendingar halda því fram að krafan sé að Rúnar Alex þyngist sem fyrst

Íslendingar halda því fram að krafan sé að Rúnar Alex þyngist sem fyrst
433Sport
Fyrir 10 klukkutímum

Var meðvitaður um að velja ekki auðveldu leiðina í lífinu – „Margir komnir í gröfina eða í fangelsi“

Var meðvitaður um að velja ekki auðveldu leiðina í lífinu – „Margir komnir í gröfina eða í fangelsi“
433Sport
Fyrir 13 klukkutímum

Klopp að fara með lærisveina sína á nýtt níu milljarða króna æfingasvæði

Klopp að fara með lærisveina sína á nýtt níu milljarða króna æfingasvæði
433Sport
Fyrir 13 klukkutímum

Goðsögn hefur áhyggjur af Van de Beek hjá United

Goðsögn hefur áhyggjur af Van de Beek hjá United
433Sport
Í gær

Albert skoraði í jafntefli

Albert skoraði í jafntefli
433Sport
Í gær

Jón Dagur byrjaði í tapi

Jón Dagur byrjaði í tapi