Raheem Sterling, leikmaður Manchester City, verður ekki með enska landsliðinu í undankeppni EM á fimmtudag.

Þetta var staðfest í gær en Gareth Southgate, landsliðsþjálfari, gaf frá sér stutt skilaboð.

Þessar fregnir voru staðfestar stuttu eftir að greint var frá heiftarlegu rifrildi Sterling við Joe Gomez á æfingu enska liðsins.

Þeir slógust á æfingu enska liðsins í gær og hefur ákvörðun verið tekin um að Sterling taki ekki þátt.

,,Við höfum tekið þá ákvörðun að velja Raheem Sterling ekki í leikinn gegn Svartfjallalandi á fimmtudag,“ sagði Southgate.

,,Okkar helsti styrkleiki hefur verið að geta skilið ríg félagsliða eftir í landsliðsverkefnum en tilfinningarnar voru enn miklar eftir leikinn í gær.“

,,Ég tel að þetta sé það rétta fyrir landsliðið. Við tókum ákvörðunina með öllum hópnum og nú er mikilvægt að styðja leikmennina og einbeita okkur að fimmtudeginum.“