Það er talað um það að hinn efnilegi Tahith Chong muni fara sömu leið og Paul Pogba hjá Manchester United.
Chong er 19 ára gamall en hann hefur fengið samningstilboð frá United sem hann kaus að samþykkja ekki.
Chong neitaði að skrifa undir samninginn strax og er að skoða sig um en önnur lið í Evrópu eru áhugasöm.
Juventus er eitt af þeim liðun en United missti Pogba til ítalska liðsins á frjálsri sölu árið 2012 áður en hann sneri aftur.
Chong gæti gert nákvæmlega það sama og liðsfélagi sinn og samið frítt við Juventus.
Hann fær ekki mikið að spila í mikilvægum leikjum og hefur fengið 24 mínútur í úrvalsdeildinni á tímabilinu.