Ef marka má frétt sem Íslendingavaktin birtir er Jón Guðni Fjóluson, varnarmaður Krasnodar til sölu. vitnað er í fréttamiðla í Rússlandi.
Jón Guðni er samkvæmt fréttinni ekki í framtíðarplönum Krasnodar og vill félagið selja hann í janúar.
Krasnodar ætlar að losa sig við fjóra leikmenn í janúar samkvæmt fréttum í Rússlandi og Jón Guðni er þar á meðal.
Jón Guðni var í byrjunarliði íslenska landsliðsins gegn Andorra í síðasta leik liðsins. Hann er í hópnum sem mætir Tyrklandi og Moldóvu í næstu viku.
Jón Guðni gekk í raðir Krasnodar á síðasta ári. Hann hefur komið við sögu í 25 leikjum en verið ónotaður varamaður í 41 leik. .