Fikayo Tomori, varnarmaður Chelsea, segist hafa nefbrotið Diego Costa, fyrrum framherja liðsins, á æfingu árið 2016.
Costa þurfti að spila með grímu í smá tíma en það var eftir að hann hafði skallað Tomori á æfingu er sá síðarnefndi var í akademíu Chelsea.
,,Ég var ennþá í skólanum og ég vissi ekki að ég hefði gert þetta á æfingu,“ sagði Tomori.
,,Þetta var slys. Við fórum báðir upp í skallabolta og ég þurfti að skalla boltann aftur og hann reyndi að skora.“
,,Hann skallaði hnakkann á mér og nefbrotnaði. Ég vissi ekki af þessu fyrr en daginn eftir og þá var þetta í öllum blöðum.“
,,Ég fékk mörg skilaboð þar sem fólk hélt að ég hefði gert þetta viljandi. Það var mest megnis grín. Hann sparkaði ekkert í mig eftir þetta.“