Stjarnan hefur ákveðið að losa sig við tvo leikmenn fyrir næsta keppnistímabil.
Þetta segja öruggar heimildir 433.is en leikmennirnir tveir eru þeir Ásgeir Þór Magnússon og Guðjón Orri Sigurjónsson.
Ásgeir spilaði aldrei leik fyrir Stjörnuna en hann er markvörður og er fæddur árið 1991.
Guðjón Orri er einnig markvörður og er fæddur árið 1992. Hann kom til Stjörnunnar eftir dvöl á Selfossi.
Guðjón spilaði tvo leiki í Pepsi Max-deildinni í sumar en fær ekki nýjan samning í Garðabænum.