Það vantaði talsvert af stórum nöfnum á æfingu Manchester United í dag en liðið mætir Partizan Belgrad á morgun.
Liðið heldur til Serbíu síðar í dag en David De Gea mætti ekki á æfinguna í dag, hann hefur verið að glíma við meiðsli.
Paul Pogba, Luke Shaw, Nemanja Matic og Axel Tuanzebe voru allir fjarverandi vegna meiðsla.
Jesse Lingard leikmaður liðsins var mættur aftur til æfinga en hann hefur misst af síðustu leikjum.
United er með fjögur stig eftir tvo leiki í Evrópudeildinni en heldur til Serbíu síðar í dag og reynir að sækja þrjú stig þangað á morgun.
Hópurinn sem Ole Gunnar Solskjær tekur með er hér að neðan.
Hópur United:
Sergio Romero, Lee Grant, Matej Kovar; Phil Jones, Ethan Laird, Victor Lindelof, Harry Maguire, Marcos Rojo, Aaron Wan-Bissaka, Brandon Williams; Fred, James Garner, Daniel James, Jesse Lingard, Scott McTominay, Juan Mata, Andreas Pereira; Mason Greenwood, Anthony Martial, Marcus Rashford.
Enski boltinn á 433 er í boði 
