Rio Ferdinand, goðsögn Manchester United, hefur hrósað Raheem Sterling, leikmanni Manchester City.

Sterling skoraði þrennu í 5-1 sigri á Atalanta í Meistaradeildinni í gær og er einn af fimm bestu leikmönnum heims að sögn Ferdinand.

,,Við eigum ekki mikið fleiri orð til að hrósa honum. Hann er ungur enskur leikmaður sem spilar marga leiki,“ sagði Ferdinand.

,,Hann er ennþá að bæta sig og er að sýna meira en áður. Hann er með markanef og kemst í ákveðnar stöður.“

,,Hann er einn af fimm bestu leikmönnum heims í dag. Klárlega! Mér er alveg sama hvern þú nefnir, það er ómögulegt að stöðva hann.“