Michael Beale, aðstoðarmaður Steven Gerrard, segir að sá síðarnefndi vilji taka við Liverpool einn daginn.
Gerrard var magnaður miðjumaður fyrir Liverpool á sínum tíma en þjálfar í dag Rangers í Skotlandi.
Beale segir að það sé draumur Gerrard að snúa aftur en mun ekki gera það svo lengi sem Jurgen Klopp er hjá félaginu.
,,Ég held að Steven sé ekki að horfa of langt fram í tímann en þetta er stórt starf og augljóslega hans draumur,“ sagði Beale.
,,Það er meira hans markmið fyrir framtíðina að stýra félaginu. Hann viðurkennir það þó sjálfur í dag að Jurgen Klopp sé besti maðurinn fyrir félagið þessa stundina.“