Framundan eru tveir leikir A landsliðs karla í undankeppni EM 2020. Eins og kunnugt er koma heimsmeistarar Frakklands í heimsókn á Laugardalsvöllinn á morgun og etja þar kappi við íslenska liðið. Leikurinn hefst kl. 18:45 og er uppselt, en viðureignin er jafnframt í beinni útsendingu á RÚV. mánudag er svo aftur heimaleikur þegar Ísland tekur á móti Andorra. Sá leikur hefst einnig kl.
Frakkland er sem stendur með 15 stig eftir sex leiki í riðlinum, eins og Tyrkir, en Ísland fylgir fast á eftir með 12 stig.
Frakkar komu síðast í heimsókn á Laugardalsvöllinn árið 1998, þá var liðið einnig rikjand Heimsmeistari. Íslenska liðið sótti stig í 1-1 jafntefli og íslenska þjóðin brosti út að eyum.
Frægasta atvik leiksins átti sér hins vegar stað eftir leik þegar Ingólfur Hannesson, þá fréttamaður á RÚV kyssti Guðjón Þórðarson, þá þjálfara eftir leik. Kossinn var frá íslensku þjóðinni.
Líklegt er að Edda Sif Pálsdóttir eða Haukur Harðarson taki viðtölin að leik loknum á morgun, það er því spurning hvort þau leiki eftir kossinn fræga, ef úrslitin verða góð. Það væri skemmtileg sjón að sjá sem dæmi Eddu smella einum á Erik Hamren, nú þjálfara Íslands ef íslenska liðið fer með sigur af hólmi.
Þennan fræga koss má sjá hér að neðan.