Heimir Hallgrímsson, þjálfari Al-Arabi í Katar er að finna taktinn þar í landi en hann fékk hálft ár til að koma sér inn í starfið.
Al-Arabi hefur byrjað með ágætum á þessu tímabili en félagið vonast til að komast aftur í fremstu röð undir stjórn Heimis.
,,Þegar einstaklingur kemur til tannlæknis, þá eru sumir hræddir en aðrir ekki. Þú kemur mismunandi fram við einstaklinga, markmiðið er að klára starfið,“ sagði Heimir við fjölmiðla í Katar.
,,Það eins með leikmenn, suma þarftu að faðma og við aðra þarf að tala hressilega við. Það er mikilvægt að þekkja leikmenn og þeirra persónuleika. Það hjálpar þjálfara að ná því besta fram úr liðinu, ég held að starf mitt sem tannlæknir hjálpi mér að eiga við mismunandi karaktera í fótbolta.“
Heimir segir það misskilning að allir eigi að spila eins og Jurgen Klopp og Pep Guardiola geri með sín lið. ,,Ég er ekki hrifinn af því þegar þjálfarar reyna að spila tiki taka leik Guardiola eða pressa eins og Klopp vill gera. Þú verður að finna það út hvaða leikmenn þú hefur, þú átt að skapa þína hugmyndafræði sem hjálpar þér að svara spurningunni. Hvernig vinn ég leiki,“ sagði Heimir.