Samkvæmt frétt Ouest France í Frakklandi eru ekki miklar líkur á því að Kolbeinn Sigþórsson yfirgefi Nantes á næstu dögum.
Félagaskptaglugginn lokar á fimmtudag og hefur Kolbeini ekki tekist að finna sér nýtt lið. Hann fær ekki að spila hjá Nantes og æfir aðeins með varaliði féalgsins.
Kolbeinn var um helgina orðaður við Vancouver Whitecaps í MLS deildinni en þangað fer hann ekki, Nantes heldur því að Kolbeinn verði áfram.
Félagið hefur viljað losna við Kolbein en Ouest segir að framherjinn sé launahæsti leikmaður félagsins. Ouest segir að Kolbeinn þéni 120 þúsund evrur á mánuði sem gerir um 16,5 milljónir íslenskra króna.
Kolbeinn hefur reynt að gera starfslokasamning við félagið en eigandi, Waldemar Kita hefur ekki viljað gera það.
Kolbeinn gekk í raðir Nantes árið 2015 en meiðsl hafa sett stórt strik í reikning hans. Hann hefur hins vegar verið heill heilsu stærstan hluta ársins en þrátt fyrir það er hann ekki í plönum félagsins.
Kolbeinn kom aftur inn í íslenska landsliðið síðasta haust en ef staða hans hjá Nantes breytist ekkert, þá er ólíklegt að hann haldi sæti sínu í hópnum.