Thierry Henry, stjóri Monaco, sá sína menn tapa 5-1 gegn Strasbourg í frönsku úrvalsdeildinni í gær.

Gengi Monaco hefur svo sannarlega verið ömurlegt á tímabilinu og situr liðið í fallsæti eftir 21 umferð.

Monaco fékk heimaleik gegn Strasbourg í gær en fékk mikinn skell og tapaði að lokum 5-1.

Henry brjálaðist á hliðarlínunni í gær eftir að varnarmaðus Strasbourg, Kenny Lala, ákvað að tefja leikinn undir lok fyrri hálfleiks.

Myndavélar náðu því á upptöku sem Henry sagði við Lala og er óhætt að segja að það hafi ekki verið fallegt.

,,Það er 43. mínúta. Koma svo, hættu þessu, þetta er komið gott,“ sagði Henry við Lala til að byrja með. Hann bætti svo við: ,,Amma þín er hóra.“

Hann baðst svo afsökunar eftir leik:

,,Þetta er ekki í fyrsta sinn sem ég geri þetta, stundum geri ég þetta á ensku. Þetta eru bara viðbrögð og ég sé eftir þeim. Ég er bara mannlegur. Það var mikið sem spilaði inn í.“