Manuel Pellegrini, stjóri West Ham á ekki von á því að Marko Arnautovic fari í verkfall til að reyna að komast til Kína.

Shanghai SIPG bauð 35 milljónir punda í Arnautovic á dögunum en því tilboði var hafnað.

West Ham vill ekki selja Arnautovic, ári eftir að hann kom til félagsins en framherjinn frá Austurríki vill ólmur fara.

,,Hvernig hefur hann það? Þegar þú færð svona svakalegt tilboð þá vilja allir fara,“ sagði Pellegrini um málið.

West Ham þekkir það að stjörnur liðsins fari í verkfall en Dimitri Payet gerði það til að komast til Marseille.

,,Hann er með samning hérna, við sjáum hvað gerist á næstu dögum. Ég held að hann fari ekki í verkfall.“