Arnór Ingvi Traustason er í skemmtilegu viðtali við Víkurfréttir þar sem hann ræðir fótboltaferil sinn og fleira skemmtilegt.
Arnór Ingvi er leikmaður Malmö í Sviþjóð og á fast sæti í íslenska landsliðshópnum í fótbolta.
Arnór Ingvi ólst upp í Njarðvík en fór síðan yfir í Keflavík þar sem hann lék í meistaraflokki. Arnór Ingvi var svo keyptur út og hefur verið í atvinnumennsku síðustu ár.
Athygli vakti á dögunum þegar Arnór mætti á leik Njarðvíkur og Keflavíkur í körfubolta, þar var hann klæddur í treyju Njarðvíkur. Stuðningsmenn Keflavíkur voru ekki allir sáttir með það enda telja þeir sig eiga hlut í honum. Hann fékk nokkur skot á sig fyrir það.
,,Ég er gallharður Njarðvíkingur í körfuboltanum, ég ólst upp í Njarðvík í fótbolta. Ég er jafn í fótboltanum, ég spilaði með Keflavík í fótboltanum,“ sagði Arnór við Víkurfréttir.
,,Ég fór í Keflavík á eldra ári í 3 flokki, við unnum Íslands og bikarmeistaratitil. Við verðum bikarmeistarar í 2 flokki, þó ég hafi lítið vera með þar.“
Viðtalið við Arnór er hér að neðan.