Rúnar lék í sjö ár með belgíska liðinu Lokeren áður en hann tók við þjálfun hjá félaginu árið 2016.

Eigandi Lokeren er mjög litríkur en hann hikar ekki við að reka þjálfarann ef illa gengur.

Það þarf svosem ekki að ganga illa svo þjálfarinn fái sparkið en eigandinn er með gríðarlega há markmið.

Rúnar segir að það hafi oft verið erfitt að vinna með þessum ágæta manni sem ber nafnið Roger Lambrecht.

,,Þetta er erfitt. Ég var nú með einn þjálfara sem náði tveimur og hálfu ári allavegana sem var mjög góður tími,“ sagði Rúnar.

,,Svo einhver ár þegar illa gekk þá vorum við með þrjá. Auðvitað er það erfitt en ástæðan er sú að liðið er ekki að standa sig nógu vel. Við erum kannski um miðja deild eða farnir að sogast neðar.“

,,Þá var forsetinn kannski full fljótur á sér að losa sig við þjálfara og gera breytingar. Það er mjög erfitt – alltaf einhver nýr maður að koma og nýjar áherslur.“

,,Þú vinnur fyrsta leikinn en svo er þetta sama vitleysan. Sjaldnast sem þetta hafði þau áhrif sem forsetinn vildi, að við myndum vinna fimm leiki í röð eða við myndum leika okkur að því að koma okkur úr fallbaráttu.“

,,Alltaf reddaðist þetta, við vorum alltaf í deildinni en þegar eigandinn er einráður og á fullt af peningum og er með metnað. Hann heldur að hann sé með það gott lið að hann geti barist um fyrstu fimm sætin.“

,,Ef ég hefði sagt honum að við værum ekki með svo gott lið, að við ættum að vera um miðja deild þá væru markmið hans kannski eðlilegri. Hann var með há markmið og út frá því rak hann þjálfarana. Svona var þetta bara og er enn.“