Joachim Low, landsliðsþjálfari Þýskalands, hefur svarað markverðinum Marc Andre Ter Stegen.
Ter Stegen er aðalmarkvörður Barcelona en hann fær þó ekkert að spila hjá landsliðinu vegna Manuel Neuer sem er númer eitt.
Low segir að Ter Stegen muni fá tækifæri til að sanna sig en hann kvartaði yfir stöðu sinni á dögunum.
,,Við munum standa við loforðið og Marc mun fá tækifæri,“ sagði Low í samtali við Bild.
,,Við skiljum að hann sé óánægður en svona er þetta – aðeins einn af þeim getur spilað.“
,,Við vildum leyfa honum að spila í júní en hann var aðeins meiddur. Manu hefur spilað mjög vel undanfarið og er fyrirliðinn.“