Arnar Gunnlaugsson, þjálfari Víkings, var hress í kvöld eftir 1-0 sigur á FH í Mjólkurbikarnum.

Víkingar eru bikarmeistarar árið 2019 en þetta er aðeins annar titillinn í sögu félagsins.

,,Við vorum virkilega flottir í dag og sköpuðum færi. Við vorum aggressívir, þéttir og gáfum fá færi á okkur,“ sagði Arnar.

,,Við vissum fyrir leik að FH væri með frábært lið og að við þyrftum að narta í hælana á þeim og ég talaði um að við þyrftum að keyra aðeins yfir þá og mér fannst við gera það.“

,,Það hafa verið svo mikil þroskamerki á liðinu í hálfleik og við héldum okkar striki. Við vorum rólegir og yfirvegaðir.“

,,Við héldum við okkar leikplan og svo komu betri og betri leikmenn til klúbbsins og stóðu vel fyrir sínu. Það er hrós á stjórnina fyrir að reka mig ekki í nóvember því við vorum að tapa ansi mörgum leikjum illa þá.“