Gareth Bale þarf að vera byrjunarliðsmaður í liði Real Madrid að mati miðjumannsins Casemiro.
Casemiro er liðsfélagi Bale hjá Real en sá síðarnefndi hefur verið orðaður við brottför í allt sumar.
Bale spilaði með Real í fyrsta deildarleik sumarsins gegn Celta Vigo og lagði upp mark í 3-1 sigri.
Zinedine Zidane, stjóri Real, virðist ekki vera of mikll aðdáandi Bale en Casemiro segir að vængmaðurinn verði að fá mínútur.
,,Hann hefur unnið titla fyrir okkur, hann hefur skorað í úrslitum og fær virðingu frá öllum,“ sagði Casemiro.
,,Hann verður að spila fyrir liðið. Hann er frábær leikmaður og er gríðarlega mikilvægur.“
