Wolves 1-1 Manchester United
0-1 Anthony Martial(27′)
1-1 Ruben Neves(55′)
Það fór fram frábær leikur í ensku úrvalsdeildinni í kvöld er Manchester United heimsótti Wolves.
Það vantaði ekki fjörið á Molineaux en United tók forystuna í fyrri hálfleik með góðu marki Anthony Martial.
Staðan var 1-0 í hálfleik en í þeim síðari þá jafnaði Ruben Neves metin fyrir Wolves með stórkostlegu skoti fyrir utan teig.
Stuttu seinna fékk United vítaspyrnu og steig Paul Pogba á punktinn – hann fiskaði spyrnuna sjálfur.
Rui Patricio sá hins vegar við Pogba á punktinum en spyrna franska landsliðsmannsins var slök.
Það var fjör á síðustu mínútum leiksins en fleiri voru mörkin ekki og lokastaðan, 1-1.
