Gary Neville, fyrrum leikmaður Manchester United, var brjálaður í kvöld eftir leik liðsins við Wolves.
Paul Pogba ákvað að taka vítaspyrnu United í stöðunni 1-1 þrátt fyrir að Marcus Rashford hafi skorað af punktinum í sigri á Chelsea um síðustu helgi.
Pogba klikkaði á spyrnunni og tókst ekki að tryggja United sigur. Neville er allt annað en sáttur með stöðuna.
,,Fyrir vítaspyrnuna þá var ég brjálaður. Fyrir nokkrum árum þá tók Kevin Mirallas [Everton] boltann af Leighton Baines og ég kallaði það ófagmannlegt,“ sagði Neville.
,,Þetta eru svik í knattspyrnunni, að taka boltann af liðsfélaga þínum. Hins vegar í síðasta leik gegn Chelsea þá labbaði Pogba að Rashford og þeir ræddu saman í dágóðan tíma.“
,,Ég er ekki viss hvort Pogba átti að taka síðustu spyrnu eða ef Rashford stal boltanum af honum.“
,,Þeir ræddu saman aftur í dag og mér líkar ekki við það. Af hverju þarf að ræða hver tekur spyrnuna? Það ætti aldrei að vera rifrildi.“
,,Pogba hefur klikkað á fjórum spyrnum á 12 mánuðum svo hann hefur fengið sitt tækifæri.“
,,Rashford skoraði í síðustu viku… Taktu vítið! Það var enginn leiðtogi þarna á vellinum, þeir gátu ekki tekið ákvörðun og það er skammarlegt.“