Valencia hefur staðfest komu varnarmannsins Eliaquim Mangala og gerir hann tveggja ára samning við félagið.
Mangala hefur undanfarin fimm ár verið samningsbundinn Manchester City en þar gekk lítið upp.
Hann var í láni hjá Valencia tímabilið 2016-2017 og þótti standast væntingar þá leiktíð.
Mangala mun ganga í raðir Valencia um leið og pappírsvinnan er klár en félagið hefur staðfest að það sé í vinnslu.
Mangala er 28 ára gamall en hann á að baki átta landsleiki fyrir Frakkland.