Aston Villa á Englandi hefur fest kaup á markverðinum Tom Heaton en þetta var staðfest í morgun.
Heaton er 33 ára gamall Englendingur en hann á að baki þrjá landsleiki fyrir enska landsliðið.
Undanfarin sex ár hefur Heaton spilað fyrir Burnley og á að baki 188 leiki fyrir liðið í deild.
Villa var að tryggja sæti sitt í efstu deild og kaupir Heaton á um átta milljónir punda.
Heaton er uppalinn hjá Manchester United og lék einnig fyrir lið á borð við Cardiff, QPR og Bristol City.
