Mackenzie O’Neill, ungur knattspyrnuaðdáandi, mun aldrei gleyma sumarfríinu sem upplifði í sumar.
O’Neill fór erlendis með fjölskyldu sinni og hitti þar óvænt besta leikmann heims, Lionel Messi.
Messi er í fríi þessa stundina en hann eyddi deginum á ströndinni ásamt börnum sínum og eiginkonu.
O’Neill fékk að vera með í fótbolta á ströndinni og eyddi góðri stund með Messi sem er talinn af flestum vera besti leikmaður heims.
O’Neill ræddi við blaðið Ole eftir upplifunina og segir að pabbi Messi, Jorge, hafi boðið sér að vera með í leiknum.
,,Að spila með Messi var ótrúlegt. Seinna vorum við að synda saman og eyddum tíma á litlum bát. Hann lyfti mér upp á axlirnar og Thiago [sonur Messi] elti mig hvert sem ég fór,“ sagði O’Neill.
Myndir af þessu má sjá hér.
