Newcastle United hefur ráðið nýjan knattspyrnustjóra sem mun stýra liðinu á næstu leiktíð.
Það er Steve Bruce sem varð fyrir valinu en hann tekur við af Rafa Benitez sem er farinn til Kína.
Newcastle borgar Sheffield Wednesday fjórar milljónir punda til að tryggja þjónustu Bruce.
Mike Ashley, eigandi Newcastle, er sparsamur og vildi ekki elta stærri bita. Bruce verður launalægsti stjóri úrvalsdeildarinnar.
Asískir stuðningsmenn Newcastle létu í sér heyra í dag er liðið steinlá gegn Wolves, 4-0 í æfingaleik.
,,Út með Ashley,“ stóð á spjöldum sem stuðningsmenn héldu á í stúkunni í vandræðalegu tapi í dag.
