Það er óhætt að segja að Andre Villas-Boas sé einn umdeildur knattspyrnustjóri en hann hefur undanfarin ár starfað í Rússlandi.

Villas-Boas er þekktastur fyrir tíma sinn á Englandi þar sem hann stoppaði stutt hjá Chelsea og Tottenham.

Portúgalinn tók við franska stórliðinu Marseille í sumar og hefur byrjað alveg ömurlega með liðið.

Stjörnur Marseille eru að spila með liðinu á undirbúningstímabilinu og spilaði liðið við Rangers í gær.

Rangers burstaði Marseille og fagnaði að lokum 4-0 sigri sem kom mörgum á óvart.

Það tap kom aðeins nokkrum dögum eftir 2-1 tap Marseille gegn Accrington Stanley sem leikur í þriðju efstu deild Englands.

Fyrstu tveir leikirnir undir stjórn Villas-Boas hafa því endað mjög illa og ljóst að mikil vinna er framundan.