Mario Lemina, leikmaður Southampton, hefur staðfest það að hann sé á förum frá félaginu í sumar.
Lemina var ekki valinn í æfingahóp Southampton en liðið er á leið til Austurríkis og mun æfa þar á undirbúningstímabilinu.
Samkvæmt fregnum hefur Manchester United fengið grænt ljós á að ræða við þennan 25 ára gamla leikmann.
Lemina kom til Southampton fyrir tveimur árum en hann var áður hjá ítalska stórliðinu Juventus.
Hann missti af fjórum mánuðum á síðasta tímabili vegna meiðsla en er nú mættur sterkur til baka.
Lemina staðfesti það að hann væri að leita sér að nýju félagi og segist einnig vilja vera áfram á Englandi.
