Paul Pogba hefur ekki gert neitt af sér segir umboðsmaður leikmannsins, Mino Raiola.
Pogba vill komast burt frá United í sumar en Raiola greindi frá því fyrr í mánuðinum að Frakkinn væri að leita að nýju liði.
Margir vilja meina að Pogba sé að sýna United mikla óvirðingu en Raiola er ósammála því.
,,Leikmaðurinn hefur ekki gert neitt af sér. Hann hefur sýnt virðingu og hagað sér eins og atvinnumaður allan tímann,“ sagði Raiola.
,,Félagið hefur vitað af þessu í langan tíma. Það er leiðinlegt að fólk byrji að gagnrýna án þess að vera með réttu upplýsingarnar.“
,,Vonandi þá getum við komist að niðurstöðu sem hentar öllum aðilum.“