Stuðningsmenn Chelsea fengu góðar fréttir í dag er miðjumaðurinn Ruben Loftus-Cheek skrifaði undir nýjan samning.
Loftus-Cheek er einn mikilvægasti leikmaður Chelsea í dag og gerði samning til ársins 2024.
Miðjumaðurinn mun væntanlega spila stórt hlutverk undir stjórn Frank Lampard á næstu leiktíð.
Það eru svo sannarlega góðar fréttir fyrir Chelsea en stuðningsmenn fengu fleiri ‘góðar’ fréttir að mati Twitter-síðu félagsins.
‘Fleiri góðar fréttir’ skrifaði Chelsea við færsluna um Loftus-Cheek, stuttu eftir að hafa tilkynnt brottför Alvaro Morata.
Morata stóðst ekki væntingar á Stamford Bridge og gengur endanlega í raðir Atletico Madrid næsta sumar.
Chelsea staðfesti sölu leikmannsins í dag en hann klárar næsta tímabil með Atletico á láni og verður svo seldur.
Það eru góðar fréttir samkvæmt Twitter-síðu liðsins eins og má sjá hér fyrir neðan.
