Liverpool hefur haft betur í baráttu við FC Bayern og Ajax um Sepp van den Berg. Þetta segir Telegraph.
Den Berg er 17 ára varnarmaður sem hefur vakið talsverða athygli fyrir frammistöðu sína með Zwolle, í Hollandi.
FC Bayern og Ajax höfðu bæði mikinn áhuga á að krækja í þennan unga og efnilega pilt.
Hann valdi hins vegar að fara til Liverpool, félagsins sem vann Meistaradeildina nú í vor.
Miklar vonir eru bundnar við Den Berg í framtíðinni en hann fer í læknisskoðun á Anfield á morgun. Liverpool borgar 1,8 milljón punda fyrir hann.
