Ryan Fraser, leikmaður Bournemouth, er sterklega orðaður við lið Arsenal þessa stundina en hann átti gott tímabil.
Fraser gæti verið á förum en Bournemouth vill fá allt að 30 milljónir punda fyrir Skotann.
Vængmaðurinn telur að það sé hins vegar ekkert lið að fara að borga þá upphæð í sumar.
,,Ég held að það sé ekkert lið að fara að borga þessa upphæð,“ sagði Fraser við the Scotman.
,,Við töluðum síðast um mína framtíð fyrir sex eða sjö mánuðum, ekkert hefur gerst síðan þá.“
,,Jafnvel á fundi með Eddie Howe eftir tímabilið þá ræddum við ekki um framtíðina.“