Luke Shaw var nýlega valinn leikmaður ársins hjá Manchester United en hann þótti standa sig best á tímabilinu.
Shaw hefur ekki upplifað frábæra tíma í Manchester síðan hann kom til félagsins frá Southampton árið 2014.
Bakvörðurinn hefur verið harðlega gagnrýndur fyrir það að mæta oft í slæmu standi á undirbúningstímabilinu.
Shaw hefur þótt missa sig aðeins í sumarfríinu en hann borðar oft of mikið og æfir minna.
Shaw hefur nú ákveðið að breyta til og hefur mætt á hverjum degi til æfinga undanfarnar viku.
Einnig mun Shaw taka með sér einkaþjálfara í sumarfríið og verður passað vel upp á mataræðið.
Shaw er 23 ára gamall og ætlar sér að eiga fast sæti í liði Ole Gunnar Solskjær á næstu leiktíð.