Wayne Rooney er brjálaður eftir að bróðir hans skellti sér út á lífið, það er þó ekki ástæðan heldur myndataka sem átti sér stað. Graham Rooney er yngri bróðir Wayne, hann er 31 árs gamall.

Hann skellti sér út á lífið í Liverpool um helgina og rakst á Tommy Robinson, sá er öfga hægri maður samkvæmt enskum blöðum.

Tommy á marga stuðningsmenn en er mjög umdeild persóna, það fer ekki vel í Wayne að bróðir hans sé að láta mynda sig með honum.

,,Go on Rooney,“ öskrar Tommy Robinson er talið er að Graham hafi verið að taka upp myndbandið fyrir bróðir sinn. Það er nú í birtingu á veraldarvefnum.

Graham er sjálfur vel ölvaður og virðist lítið getað tjáð sig, ef marka má myndbandið. Á samfélagsmiðlum má sjá sögur þess efnis að Tommy og Graham hafi verið að fá sér kókaín á klósettinu þar sem myndatakan átti sér stað.

Ensk blöð segja að Wayne sé ósáttur með bróður sinn og skammist sín fyrir að hann sé að láta taka svona myndbönd af sér. Wayne sjálfur getur þó lítið sagt enda hefur áfengi komið honum oft á forsíður, enskra blaða.