Gary Martin, framherji Vals var ekki mættur á æfingu liðsins í gær. Þetta segir Gunnar Birgisson, fréttamaður á RÚV.
Gunnar þekkir vel til á Hlíðarenda og á góða félaga í herbúðum Vals.
Gary hefur ekkert fengið að æfa með liði Vals eftir að 433.is greindi fyrst frá því, að félagið vildi losna við hann. Valur vildi losna við Gary í síðustu viku, það tókst ekki.
Ljóst er að Gary finnur sér ekki nýtt félag fyrr en í júlí, félagaskiptaglugginn er lokaður. ,,The saga continues: Gary Martin mættur á brettið í Laugum samkvæmt heimildarmönnum GB,“ skrifar Gunnar á Twitter.
Gary hefur verið duglegur að æfa í World Class á meðan Ólafur Jóhannesson, vill ekki sjá hann i herbúðum Vals. Ólafur hefur neitað að tjá sig um málið á síðustu dögum. Ekki er vitað hvort eða hvenær Gary fær að mæta aftur á æfingar.
Ólafur sagði að Gary hentaði ekki leikstíl Vals, það væri ástæðan að félagið vildi losna við hann. Öllum er hins vegar ljóst að eitthvað meira hefur gengið á og mikið af gróusögum, fljúga í þessu máli.
The saga continues: Gary Martin mættur á brettið í Laugum samkvæmt heimildarmönnum GB. ?
— Gunnar Birgisson (@grjotze) May 21, 2019