Í gær birtist ansi athyglisvert myndband af leikmönnum Manchester City sem höfðu nýlega fagnað Englandsmeistaratitlinum.
City var að klára frábært tímabil en liðið vann þrennuna: enska meistaratitilinn, deildarbikarinn og enska bikarinn.
Þeir fögnuðu með stuðningsmönnum sínum í gær en eins og venjulega var boðið upp á rútuferð í borginni.
Stuttu eftir þessa rútuferð birtist myndband þar sem mátti sjá Englandsmeistarabikarinn sjálfan mölbrotinn á jörðinni.
Sergio Aguero, leikmaður City, kom fyrir í þessu myndbandi en fáir virtust skilja hvað var raunverulega í gangi.
Margir töldu að einhver hefði óvart misst bikarinn í jörðina í fagnaðarlátunum en svo var ekki.
Það voru margir sem féllu fyrir þessu myndbandi sem var þó tekið upp í gríni af sjónvarpsstöð City.
Bikarinn sjálfur var aldrei í neinni hættu heldur var notast við gervibikar sem fékk þó heldur betur að finna fyrir því.
Man City players have dropped and smashed the Premier League trophy… ?? pic.twitter.com/Snra8CI7uy
— Football Away Days (@FBAwayDays) 20 May 2019
