Yannick Carrasco, leikmaður Dalian Yifang í Kína, er opinn fyrir því að skella sér til Englands í sumar.

Carrasco var sterklega orðaður við brottför í janúar en hann fór óvænt til Kína á síðasta ári.

Belginn lék áður með stórliði Atletico Madrid á Spáni og spilaði með landsliðinu á HM síðasta sumar.

,,Það var áhugi frá Arsenal og frá öðrum liðum í janúar, sem gáfu mér tækifæri á að snúa aftur til Evrópu,“ sagði Carrasco.

,,Forsetinn sagði mér þó að væri erfitt. Kannski er það möguleiki í sumar. Ef það hentar þá get ég kannski farið, kannski get ég rætt við forsetann.“