Ajax fagnaði í kvöld sigri í hollensku úrvalsdeildinni eftir magnaða keppni við PSV Eindhoven.
Þessi lið hafa barist um titilinn síðustu umferðirnar en PSV tapaði í síðustu umferð 1-0 gegn AZ Alkmaar og voru því þrjú stig sem skildu liðin að fyrir lokaumferðina.
Bæði lið unnu sína leiki í kvöld en Ajax vann sannfærandi 4-1 útisigur á Grafschaap og PSV vann Heracles, 3-1.
Ajax endar á toppi deildarinnar með 86 stig, þremur stigum á undan PSV sem er sæti neðar.
Albert Guðmundsson og félagar í AZ Alkmaar töpuðu 4-2 fyrir Excelsior en hafna í fjórða sæti deildarinnar sem gefur þátttökurétt í Evrópu.
Elías Már Ómarsson spilar fyrir Excelsior en liðið hafnar í fallsæti og mun fara í umspil um að halda sæti sínu í deildinni.
Elías skoraði í 4-2 sigri á AZ í kvöld eftir að hafa gert þrennu í síðustu umferð gegn Heracles í 5-4 sigri.