Arnar Þór Viðarsson, hefur verið ráðinn yfirmaður knattspyrnusviðs hjá KSÍ. Ráðning hans var staðfest á fréttamannafundi í höfuðstöðvum KSÍ í dag. Arnar gerir tveggja ára samning.

Arnar var fyrr i vetur ráðinn þjálfari U21 árs landsliðs karla, ráðning hans hefur síðan legið í loftinu.

,,Þetta er mikið framfara spor fyrir okkur, við höfum verið að breyta hér háttum þannig. Þjálfarar yngri landslða hafa verið fastráðnir, við viljum sækja fram,“ sagði Guðni.

Arnar hefur áður starfað í Belgíu, nú síðast hjá Lokeren þar sem hann var einnig sem leikmaður á ferli sínum.

,,Ég vil þakka Guðna og Klöru fyrir traustið, ég hef iðulega unnið út frá einni setningu. Good on papers, shit on gras,“ sagði Arnar.

,,Stærsta spurningin hjá öllum, hvað er yfirmaður knattspynumála? Ég held að það séu skiptar skoðanir um hvernig það á að vera. Ég er að fara í tvöfallt starf, er með U21 árs landsliðið. Það er ekki fullt starf, þó það sé hægt að fara endalaust á fótboltaleiki. Það er ekki fullt starf að fylgjast með þeim.“

,,Yfirmaður knattspyrnumála er tvískipt, það sem kemur að sambandinu. Þar er stór vinna, til að viðhalda árangrinum, sem við höfum náð í síðustu ár. Það er mikilvægt að átta sig á því, af hverju við náðum þessum árangri.“

Guðni Bergsson, formaður KSÍ er með þessu að fá sitt stærsta loforð í gegn. Þegar hann var kjörinn fyrst árið 2017, var þetta hans stærsta baráttumál.

Fyrst um sinn var talið að þetta yrði fullt starf en með ráðningu Arnars er ljóst er að starfið er hálft.